Ég sagði stelpunum frá jólasveininum sem kemur frá Íslandi og gefur þeim í skóinn í gærkvöldi. Ósk mundi eftir honum frá því í fyrra og tilkynnti að hann gæfi fullt af nammi ;) Er þær voru komnar inn í rúm fór Ósk fram og náði í skóinn sinn og setti hann á rúmið sitt. Í morgun er hún vaknaði tilkynnti hún mér að það væri ekkert nammi í skónum!! Ég reyndi að útskýra fyrir henni að jólasveinninn væri ekki kominn ennþá, vona að það hafi heppnast og hún bíði ekki eftir nammi á morgun líka ;)