Höfundur : Trausti Þór Jóhannsson, skrifað 4 months
Ósk er alveg kostuleg og er að gera foreldrana alveg gráhærða í heimalærdómnum. Hún er að læra að lesa en hefur eiginlega ekki mikinn áhuga, spurning um að reyna að ýta aðeins við því. Það sem Ósk gerir er hreinlega að hún lærir allt utanaf, þá meina ég allt saman. Þvílíkt sem hún getur munað. Allur textinn í bókunum hennar, getur hún þulið upp frá minni, í hvaða röð sem er. Auðvitað sjá glöggir foreldrarnir að hún er ekki að lesa. Svo ef hún veit ekki svarið ennþá, þá reynir hún að giska á hlutina í staðin fyrir að lesa. Ég hef tekið hana til hliðar oft og fengið hana til að lesa stuttar setningar og orð hérna og þarna, hún kann þetta, en hreinlega má ekki vera að þessu. Rökin hennar eru að hún er í skóla og þar af leiðandi lærir hún að lesa, hún er ekki að kveikja á að það þarf að æfa sig, en þegar kemur að líkamsrækt, þá er hún með hlutina á hreinu, tekur armbeygjur og lyftir lóðum í gríð og erg, kemur svo til pabba síns, finndu vöðvana.
Það er svo skemmtilegt að fylgjast með þroska barnanna.
Íris horfir aðdáenda augum á stóru systur sem getur allt og kann allt. Hún tekur þvílíkum framförum og er orðin mjög skýr í máli, þó velur hún stundum aðeins of stór orð sem binda tunguna í hnút og ef hún er ekki alveg að koma frá sér því sem henni liggur á hjarta, þá kveður hún með, ÆI, skiptir ekki máli !
Sigrún Ásta
4 months
Ohh ég get ekki beðið eftir að koma í heimsókn - í annað skiptið á þessu ári! :) :)
