Höfundur : Elsa Þóra , skrifað 4 months
Síðan ég skrifaði síðast þá eru Bogga og Eðvald búin að koma í heimsókn. Erna, Sigrún Ásta og Sigríður Þóra líka búnar að koma. Óskar er búin að kíkja í nokkra klukkutíma heimsókn!!!
Bogga og Eðvald gistu hérna frá fim-fös fóru svo til Svíþjóðar á fund og gistu svo aftur lau-sun en þá fóru þau til Möggu Lilju dóttur sinnar sem býr í Norge. Viku seinna komu þau aftur í nokkra klukkutíma heimsókn er þau voru að bíða eftir flugi til Íslands. En þá voru Erna og dætur í heimsókn. Vorum við 8 í kvöldmat en Sigrún Ásta hafði farið heim með síðdegisvélinni. Stelpunum fannst voða gaman að fá stóra bróður afa Jóa í heimsókn ;)
Erna, Sigrún Ásta og Sigríður Þóra komu hingað á fimmtudegi. Sigrún Ásta fór á sunnudeginum en Erna og Sigríður Þóra fóru á fimmtudegi viku seinna. Það var farið til Svíþjóðar á föstudeginum til að versla. Trausti var látin hugsa um dætur sínar á meðan ég straujaði kortið í Svíþjóð ;) Ekki var hægt að versla mikinn mat því fatapokarnir tóku næstum allt plássið í bílnum!!! Á laugardeginum var skroppið í smá ferð til Jessheim en lítið var keypt þar þvi ég og Trausti ásamt Hrönn og Garðari vorum á leið til Osló í bíó og út að borða. Sunnudagurinn var rólegur því Sigrún Ásta þurfti að pakka og reyna að koma öllu með sér heim án þess að hafa of mikla yfirvigt ;)
Mánudagurinn fór í verlsunarferð til Osló sem var aðeins styttri en ætlunin var því stelpurnar tóku þátt í Halloween. Þriðjudaginn var ég að vinna svo þær mæðgur fóru einar til Osló að versla. Miðvikudaginn var svo aftur farið til Jessheim að versla smá. Er ég mætti í vinnu á fimmtudaginn þá var ég smá þreytt ;) Ég er komin úr æfingu að hafa fólk í verslunarleiðangri í heimsókn ;)
Það var frábært að fá þær í heimsókn, stelpunum fannst mjög gaman að fá þær.
Óskar frændi kom svo í heimsókn á sunnudaginn. Trausti sótti hann fyrir hádegi og keyrði hann svo út á flugvöll eftir kvöldmat. Stutt en ánægjuleg heimsókn.
Ég held að enginn sé á leiðinni í heimsókn til okkar það sem eftir er af þessu ári!?!??!?!?!
